હાથો માં પતંગીયા સજાવી લાવ્યો છુ
રોપેલી કળીઓ નો માળો ગૂંથી લાવ્યો છુ
કેશ માં ગજરો શોભી ગયો
સ્મિત થી ચહેરો લજાઈ ગયો
સ્મૃતિ પર સનાતન માધુર્ય છાપી આવ્યો છુ
રોપેલી કળીઓ નો માળો ગૂંથી લાવ્યો છુ
પ્રત્યેક કૂંપળ ને આશરો દિધો
ભમરા ને ય જેનો રસ પિવા નથી દિધો
એ રસ માં તરબોળ, ભાવનાઓ ભીંજવી લાવ્યો છુ
રોપેલી કળીઓ નો માળો ગૂંથી લાવ્યો છુ
કાળા વાદળા ફૂંકી દિધા
તોફાની વાયરા મુઠ્ઠી માં લીધા
ચમકતી વિજળી, એમના ચહેરે સજાવી આવ્યો છુ
રોપેલી કળીઓ નો માળો ગૂંથી લાવ્યો છુ
- ગૌરાંગ નાયક