ચોમેર લીલીછમ છે આ ધરતી
પણ, અહીં વતનની એ ધૂળ ક્યાં છે
વણનોતર્યો વરસે છે મેહ
પણ, પહેલાં વરસાદ ની ભીની મ્હેક ક્યાં છે
મસમોટા મોહક બધાં પુષ્પો
પણ, એની મીઠી મજાની ખુશ્બુ ક્યાં છે
રઢીયાળો રુપાળો આ પાડોશ
પણ, ભાવ નીતરતા એ સંબંધો ક્યાં છે
સુંદર મોટા છે મકાનો
પણ, એને ઘર કહેવાય એવુ ક્યાં છે
આકર્ષક લાગતી બધી વાનગીઓ
પણ, ભોજન ની ઉમદા એ લહેજત ક્યાં છે
મિત્રો ની લાંબી છે સૂચી
પણ, હૈયાની હામ ભરનારા ક્યાં છે
ઉગે છે રોજ સવાર
પણ, સવારનો કૂણો એ તડકો ક્યાં છે
હાજર છે બધાં સંબંધો
પણ, માવડી ના હેતાળ હાથ ક્યાં છે
-ગૌરાંગ નાયક
No comments:
Post a Comment